ଅଧିକ

ଆମେରିକାରେ ନିର୍ମାଣ ହେଲା ମାତ୍ର ୫ ମିନଟରେ କରୋନା ଭାଇରସ୍ ପରୀକ୍ଷା ଯନ୍ତ୍ର

ଆମେରିକାରେ ନିର୍ମାଣ ହେଲା ମାତ୍ର ୫ ମିନଟରେ କରୋନା ଭାଇରସ୍ ପରୀକ୍ଷା ଯନ୍ତ୍ର :-

odisha flash bhubaneswar;ବ୍ଲୁମବର୍ଗ: ଜଣେ ସଂକ୍ରମିତ କି, ନୁହେଁ ମାତ୍ର ୫ ମିନିଟ୍ ମଧ୍ୟରେ ଜାଣି ହେବାଭଳି ଏକ କରୋନାଭାଇରସ୍ ପରୀକ୍ଷା ଯନ୍ତ୍ର ପ୍ରସ୍ତୁତ କରିଛି ଆମେରିକାର ଆବୋଟ୍ ଲାବୋରଟରିଜ୍ । ଏହାର ଓଜନ ହାରାହରି ୩ କିଲୋ ଏବଂ ଦେଖିବାକୁ ଛୋଟ ବାକ୍ସଟିଏ ଭଳି । ତେଣୁ ଯେ କୌଣସି ଡାକ୍ତରଖାନାରେ ଏହାକୁ ରଖି ବ୍ୟବହାର କରିହେବ ।

ଏପ୍ରିଲ ୧ ତାରିଖ ଠାରୁ ୫୦ ହଜାର ଯନ୍ତ୍ର ଯୋଗାଣ ଆରମ୍ଭ କରିବାକୁ ଯୋଜନା କରାଯଇଛି ବୋଲି ଆବୋଟ୍ ଡାଇଗ୍ନୋଷ୍ଟିକ୍ସର ଗବେଷଣା ଓ ବିକାଶ ବିଭାଗର ଉପାଧ୍ୟକ୍ଷ ଜନ୍ ଫ୍ରେଲ୍ସ୍ କହିଛନ୍ତି । ମଲିକୁ୍ୟଲ୍ ପରୀକ୍ଷା କରୁଥିବା ଏହି ଯନ୍ତ୍ର କରୋନାଭାଇରସ ଜେନୋମର ଭଗ୍ନାଂଶର ଅନୁସଂଧାନ କରେ । ତେଣୁ ଉକ୍ରଟ ସଂକ୍ରମଣ ହୋଇଥିଲେ ମାତ୍ର ୫ ମିନିଟ୍ ମଧ୍ୟରେ ମଣିଷ ଶରୀରରେ ଥିବା କରୋନାଭାଇରସ୍ ଜେନୋମର ଭଗ୍ନାଂଶ ଚିହ୍ନଟ କରିହେବ । କିନ୍ତୁ, ବ୍ୟକ୍ତିବିଶେଷ ନିଶ୍ଚିତ କରୋନାଭାଇରସ୍ ସଂକ୍ରମିତ ବୋଲି ଜଣାପଡ଼ିବାକୁ ଏଥିରେ ୧୩ ମିନିଟ୍ ଲାଗିବ

ଆମେରିକାର ନୁ୍ୟୟର୍କ, କାଲିଫର୍ଣ୍ଣିଆ, ୱାସିଂଟନ୍ ଏବଂ ଅନ୍ୟାନ୍ୟ ଅଞ୍ଚଳରେ ଥିବା ଡାକ୍ତରଖାନାରେ ବ୍ୟାପକ କରୋନାଭାଇରସ୍ ସଂକ୍ରମିତଙ୍କ ଗହଳି ହେବାର ଆଶଙ୍କା ଥିବାରୁ ଯଥେଷ୍ଟ ପରୀକ୍ଷା ଯନ୍ତ୍ର ଯୋଗାଇବାକୁ ଉଦ୍ୟମ ଚାଲିଛି ।

ଇଲିନଇସସ୍ଥିତ ଆବୋଟ୍ କମ୍ପାନିର “ଆଇଡି ନାଓଁ ପ୍ଲାଟଫର୍ମ’ ଉପରେ ଏହି କରୋନାଭାଇରସ୍ ପରୀକ୍ଷା ଆଧାରିତ । ନାକବା ତଣ୍ଟି ଭିତରର ପଛପଟୁ ସଂଗ୍ରହ କରାଯାଇଥିବା ସ୍ୱାବକୁ ଏକ ରାସାୟନିକ ଦ୍ରବଣରେ ମିଶାଇ ଦିଆଯାଏ । ଫଳରେ ଏହା ଭୂତାଣୁକୁ ଫଟାଇ ଦେବା ସହ ତା’ ଭିତରେ ଥିବା “ଆରଏନଏ’କୁ ବାହାରକୁ କାଢ଼ି ଆଣେ । ପୁଣି ଏହି ମିଶ୍ରଣକୁ “ଆଇଡି ନାଓଁ ସିଷ୍ଟମ୍’ରେ ଭର୍ତ୍ତି କରାଯାଇ କରୋନାଭାଇରସର ଜେନୋମ୍ ଚିହ୍ନଟ କରାଯାଏ ।

 

Click to comment

Leave a Reply

Your email address will not be published. Required fields are marked *

To Top